Kavaja ka përkujtuar protestën antikomuniste të 26 marsit të vitit 1990. Kryetari i Bashkisë së Kavajës Fisnik Qosja, u shpreh se në këtë ditë ky qytet vrau frikën dhe kjo shërbeu më pas që të gjithë njerëzit u ngritën kundër regjimit.
Përkujtohet ne Kavajë 34 vjetori i protestës së parë antikomuniste. Një ekspozitë fotografike në qendër të qytetit, ishin ekspozuar foto nga protestat e vitit 1990 si dhe portrete të figurave me të shquara të qytetit ndër vite. Kryetari i bashkisë së Kavajës, Fisnik Qosja tha se në 26 mars populli i Kavajës vrau frikën dhe kjo shërbeu më pas që të gjithë njerëzit u ngritën kundër regjimit.
Në këtë aktivitet merrnin pjesë edhe deputetë të Partisë Demokratike. Ata vendosën kurora me lule dhe bënë homazhe tek busti i dëshmorit të demokracisë Josif Buda, i cili u vra në korrik të vitit 1990 në protestat antikomuniste që zhvilloheshin në atë kohë.
© SYRI.net