Gjyqtarja Irena Gjoka vendosi sërish të shtyjë seancën ku kërkohej revokimi i masës së sigurisë për liderin e opozitës shqiptare, Sali Berisha.

Edhe kjo shtyrje ishte e pakuptimtë, ndërsa avokati i Berishës, Genc Gjokutaj, tha se qëllimi është të digjet mandati i liderit të opozitës.

“Ne sot kishim seancën e shtyrë nga seanca e kaluar me objekt revokimin e masës së arrestit në shtëpi për zotin Berisha.

Dijenia e tij marrë dje ose pardje është shoqëruar me prokurë që ne ta përfaqësojmë në mungesë.

Gjykata nuk e pranoi këtë arsyetim. Ne e prisnim sepse ne kemi kohë që merremi me këtë gjyq që zhvillohet jashtëgjyqësisht. Sepse gjyqi nuk po zhvillohet në atë sallë gjyqi.

Gjykata në atë qëllimin e saj për t’i djegur mandatin liderit të opozitës, e shtyu sërish seancën pa asnjë shkak ligjor, duke pasur të dokumentuar edhe dijeninë e zotit Berisha, por njëkohësisht edhe vullnetin e tij për t’u përfaqësuar në mungesë, siç ka ndodhur në të gjitha seancat,” tha Gjokutaj.

Seanca e radhës është lënë për datën 8 mars, ora 9:00.