Senati italian ka miratuar marrëveshjen Shqipëri-Itali për emigrantët që parashikon ngritjen e dy kampeve në vendin tonë për të pritur mijëra azilkërkues të huaj në vit.

Ky projektligj u miratua nga Senati i Italisë me 93 vota pro, 61 kundër dhe asnjë abstenim.

Pas miratimit nga Senati, marrëveshja u duartrokit nga deputetët e mazhorancës italiane.

Kujtojmë se marrëveshja për emigrantët e nënshkruar nga kryeministrat Rama-Meloni është aprovuar edhe nga Gjykata Kushtetuese e Shqipërisë, si dhe është miratuar nga Kuvendi.

Marrëveshja është kritikuar ashpër nga opozita në Shqipëri dhe Itali, nga mediat, analistët dhe organizatat e të drejtave të njeriut.