I ftuar në emisionin e mëngjesit në KAFE SHQETO në Syri tv ka qenë këtë mëngjes, Ardian Elezi , ish i përndjekur politik, protagonist i ngjarjeve të Dhjetorit 1990, anëtar i kryesisë së grupimit “Dhjetori 1990”.
“Në shtëpinë e dajave te mi është ngritur flamuri kombëtar pa yllin partizan në atë kohë dhe të gjithë e dinë që ky flamur antikomunist ka ekzistuar në kullat e rezistencës antikomuniste.
Sikundër edhe ne që nisëm organizmin tonë që në dhjetor. Bilës u ndalova nga policia se theva foton e liderit komunist.
Shqipëria ka bërë shumë pak në raport me dënimin e krimeve të komunizmit dhe sikundër ne të kishim dënuar këto krime të kishim adresuar përgjegjësitë në lidhje me shkaktarët e këtyre nuk do të justifikohej askund rikthimi i këtyre simboleve nga ana e politikës.
Mendoj se në Shqipëri është bërë gjenocid.Ku bilanci i gjithë këtyre mizorive të regjimit komunist tashmë është i njohur publikisht.
© SYRI.net