Kryeministri, Edi Rama bëri me dije se do të ndërtohen dhe 3 kulla të tjera në Tiranë, 2 prej tyre në qendër dhe 1 tek Bulevardi i Ri.

Në një intervistë për “Opinion” ai u shpreh se kullat i kanë dhënë një energji tjetër qytetit.

“Besoj do të jenë 3 të reja. Janë të larta. Këto kulla I kanë dhënë një energji tjetër qytetit. Tirana e nesërme  do të jetë dhe pikë turistike arkitekturore. Tirana e ka potencialin për tu ndërtuar lartë. Trashëgimia e vërtetë kulturore nuk shembet e nuk preket. Ne kemi shpëtuar shtëpinë e Toptanëve. Rritja e intensitetit në pjesë qëndrore sjell zhvillim. Këto kulla I blejnë shqiptarët, I blejnë dhe të huajt.”, u shpreh Rama.

Gazetari: A mund ta blejnë shqiptarët?

“Shqiptarët kanë punuar e sakrifikuar për shumë vite. Përderisa i blejnë munden.”,tha ai.