Kryeministri Edi Rama teksa deklaroi se do të fliste disa të vërteta troç sa i takon çështjes së Kosovës dhe ngjarjeve të fundit në veri të saj tha se qeveria e tij kishte mbajtur një qëndrim korrekt.

Ai tha e në asnjë çast nuk ka pasur gjeste të brendshme elektorale si në rastin sipas tij të qeverisë së Prishtinës. Ndërkohë që mbante fjalimin e tij folklorik ai nuk harroi tu kujtojë shqiptarëve edhe në Shqipëri edhe në Kosovë se është “Lideri” ndërkombëtar që e ka cilësuar Vuçiçi.

Nuk është çudi që Rama reciton ne delirin e tij. Sepse po të shikosh raportet e ndërkombëtarëve për Shqipërinë si një trampolinë e trafikut të drogës, krimit dhe korrupsionit është krejt e qartë se për çfarë pyesin dhe konsultohen ndërkombëtarët Ai jeton në një botë tjetër. I mbaron të gjitha me përgjegjësinë personale që kanë gjithë ortaket e tij ne qeverisje që hyjnë e dalin në dyert e SPAK dite për ditë. Për këto pyesin e konsultohen ndërkombëtarët me « Liderin »  e Vuçiçit e jo për të tjera çështje. Ata po sjellin edhe dosjet me të cilat punon SPAK.

Rama: Në Tiranë dhe Prishtinë, ka disa që nuk duan ta kuptojnë se Shqipëria nuk është më ajo e djeshmja. Nëse sot respektohet si e barabartë, vlerësohemi për dinjitetin që tregojmë me fjalë dhe vepra. Pyetemi nga të gjithë faktorët ndërkombëtarë, çmohemi si vend serioz, që i besohen poste me rëndësi, siç ishte dhe zgjedhja në OKB, apo na kërkohen mikpritje samitesh në Shqipëri. Kjo nuk ndodh as se unë vesh atlete në samite apo se ata nuk dine se ku të mblidhen, por se e kemi çuar pozicionin tonë në rajon dhe botë në një kah të ri. Jemi faktor paqeje, si anëtar i denjë i komunitetit euroatlantik. Sa herë e kemi dëgjuar nga qeveritarë që thonë; Shqipëria është faktor paqeje, stabiliteti në rajon dhe botë. Deri dje Shqipëria është faktor pasiv, sot aktiv. Ka një fill të artë amaneti kombëtar që vazhdon. Kjo na kërkon që të bëhemi perëndimorët e Ballkanit dhe jo ballkanasit e radhës. S’kemi luksin që të luajmë me dy porta.

Për ata që duan ta dëgjojnë, një moslinjëzim me politikat e jashtme me BE-në, nuk është një fjalë gojë, pasi jemi vend kandidat për BE. Nuk është as akt heroizmi, por politik kundërshtie. Kjo që bëmë ishte më shumë se një deklarim i Shqipërisë, ishte një manifestim dhe mos dakordësie për të dhënë një mesazh të qartë për normalizimin e marrëdhënieve përmes dialogut. Duhet te jetë e qartë që nuk bëmë një gjest konsumi elektoral. Mbajtëm një qëndrim parimor dhe politik në funksion të nxitjes së qëndrimit të Brukselit, jo vetëm në lidhje me Beogradin, por edhe lidhur me çfarë vjen, çfarë mund të vijë dhe çfarë duhet të vijë nesër. Vetë viktimizim diplomatik i Serbisë, falë dhuratave politike të marra zyrtarisht nga Prishtina në proceset e dialogut, e bëjnë jo të lehtë./E.I/