“Si mund të kurojnë, duart e prangosura?!” - Me një pankartë dhe mesazhe të tilla kanë marshuar sot në Tiranë, drejt Ministrisë së Arsimit, studentët e Fakultetit të Mjekësisë, të cilët refuzojnë punën e detyruar në Shqipëri në përfundim të studimeve të tyre dhe do ta padisin ligjin që i kufizon ata, në Gjykatën Kushtetuese.
Të veshur me bluza të bardha, në një protestë të rrallë në llojin e vet, mjekët e ardhshëm kishin përgatitur pankarta me mesazhe mjaft kuptimplota që i nxitën dhjetëra qytetarë të ulur në kafenetë anës rrugëve që t’i bashkohen revoltës studentore.
Studentët kërkuan ballafaqim me ministren e re të Arsimit, Ogerta Manastirliun; kërkuan dorëheqjen e Zv.ministres Albana Tole që doli kundër protestës si edhe mbështetje për arsim cilësor në universitet.
© SYRI.net