Socialistët kanë shpallur fitoren në zgjedhjet e pjesshme në Bashkinë e Kukësit.
Kandidati Albert Halilaj ka marrë 13026 vota, ndërsa Emri Vata i koalicionit të djathtë 7429 vota, ndërsa 327 fletë janë të pavlefshme.
Në zgjedhjet e së dielës në bashkinë Kukës votuan mbi 45 përqind e zgjedhësve, ndërsa nuk u shënuan incidente.
Pjesëmarrja është më e ulët krahasuar me zgjedhjet e 14 majit, ku morën pjesë 52. 79 përqind e zgjedhësve.
Zgjedhjet në Kukës u zhvilluan pas videoskandalit të ish-kryebashkiakut Safet Gjici, vetëm disa javë pasi fitoi zgjedhjet, ku ai shfaqet duke kryer marrëdhënie intime me nje vajze në ambientet e zyrës së bashkisë. Pas publikimit të kësaj video, Gjici u arrestua dhe ndodhet në burg.
© SYRI.net