Këtë të hënë skadon afati për Presidentin e Republikës Bajram Begaj për të dekretuar ligjet e shumë debatuara, atë të legalizimit të Kanabisit, trajtimin special të studentëve të fakultetit të Mjekësisë dhe ligjin për Akademinë e Shkencave.

Vetë Kreu i Shtetit duket se ka marrë kohën maksimale që përcakton Kushtetuta për të shqyrtuar dekretimin apo jo të një ligji, ku pas ditës së sotme, edhe në rast se ai nuk shprehet, ato hyjnë në fuqi me aprovim në heshtje.

Tashmë ngelet për t’u parë në orët në vijim nëse do të pranojë apo jo të dekretojë këto ligje, që kanë sjellë reagimin e ashpër të opozitës, por dhe shoqërisë civile për fushat përkatëse.