Kryetari i PD, Sali Berisha, ka denoncuar sot një rast tjetër dhune të ushtruar mbi zgjedhjet vendore të 14 majit nga bandat e Partisë Socialiste. Një nga vëzhguesit e koalicionit “Bashkë fitojmë” në bashkinë e Prrenjasit është rrahur pranë qëndrës së votimit.

“Dhunë ndaj vëzhguesit të koalicionit “Bashkë fitojmë”, Stiven Faqolli, në fshatin Qukës Skënderbe, bashkia e Prrenjasit, nga djali i kryeplakut dhe gangsterë të tjerë”,shkroi Berisha në Fb duke publikuar edhe dhunuesit.

Kandidatja e koalicionit “Bashkë fitojmë” për bashkinë e Prrenjeasit, znj. Suzana Topi, e cila u përball me socialistin Nuri Belba, ka dalë në krah të të riut të dhunuar, vëzhguesit Stiven Faqolli, duke theksuar në fjalën e saj se përballë nesh është "armata shtetërore".