Kandidati demokrat i dalë nga procesi i primareve për Bashkinë e Durrësit, Igli Cara ka vijuar takimet me banorët e Katundit të Ri.

Në postimin e tij në Facebook, Cara thekson se nga qytetarët ka një ‘dëshirë për ndryshim, energji pozitive, besim, shpresë!

Postimi i plotë:

Në Katundin e Ri, ndryshimi është domosdoshmëri, si kudo në Durrës.

Problematikat e shumta dhe mungesa e investimeve e kanë reduktuar ndjeshëm numrin e banorëve.

Bashkë do ta ndryshojmë këtë realitet!

Rikthimi i shërbimeve në zonë është hapi i parë konkret, për këto familje, që do të shoqërohet me investime në infrastrukturë dhe mbështetje për fermerët.

Projekte të dedikuara për çdo njësi administrative, që do të përfshijnë çdo sektor.

Më 14 maj, bashkë për ndryshim! Qyteti je ti!

#durres #problematika #Bashke #ndryshim #sherbime #qytetijeti #perfamiljen #14maj #IgliCara