Kryeministri Edi Rama shthur gojën në Himarë. 

Pasi kërcënoi kandidatin e pavarur të Sarandës, Gjergj Mërkuri i cili vjen nga strukturat e PS por i pavlerësuar, në Himarë Rama u mor me kandidatin e opozitës, Fredi Beleri. 

Gjatë takimit elektoral, ra në sy është gjuha e përdorur nga Rama për Belerin duke e quajtur budalla, dru, gdhë, etj. 

“Himara është ndryshe nga të gjitha territoret. Keni parë ndonjë që të jetë kështu. Dhe këta që janë të djathtë, duhet të pyesin veten, po pse mo më budallain do votojnë këta. Se ka plot nga ata të mençur. Më gdhëja që e kanë vendosur këtu. Në greqisht analfabet, në shqip dru. Atë do të votoni, merreni këtë drurin këtu dhe ai ua bën një punë. Të paktën ngroheni në dimër. Merreni drurin çojeni në bashki, unë me atë nuk bashkëpunoj dot.

E keni me të vërtetë ju, do ma ulni mua atë të bëj muhabet. Jorgua nuk është i rënë nga qielli, nuk i ka bërë të tëra mirë, të jemi të qartë këtu, unë nuk them ta marrim ta bëjmë dhëndër. Ama tani që unë ia prisha gjumin Jorgos, ju doni të votoni atë tjetrin? E keni parë Himarën si është xixë. Kur vija më parë, letra, shishe. Merrja Jorgon pip, pip, pip. Vija vetë mblidhja plehrat. Në 8 Jorgua thoshte a ka ndonjë gjë? Tani nuk ndodh më. Ai i ndjeri, që unë nuk e kam dashur fare, meritonte çmimin Nobel për astronomi. Me Jorgon jemi kuptuar shumë qartë që nuk ka leje ndërtimi nga ato që tmerrojnë dynjanë.

Roje të Vodafoni unë nuk e vë atë. Falimenton Vodafonin ai. E di që po më dëgjon, po ktheji këto në greqisht tani dhe ankohu, thuaji ja si po diskriminon Rama mua. Nuk e do ky historinë e zgjidhjes së çështjes së pronave. Një zgjidhje keni ju nëse nuk doni t’ju ikin pronat për lesh, mua, PS dhe kandidatin tonë. Unë ju kam thënë këtu që do zgjidh çështjen e pronave e nuk do vinë nga Tirana t’jua marrin. Edhe ata që i kanë marrë letrat, larg qoftë mos bëjnë gabim të votojnë atë tjetrin, do ua marrin prapë.

Këta që kërkojnë votën, veç të tjerave janë në një marrëdhënie turpi, me vendin, me komunitetet, me ata që u kanë vënë emrin, familjet e tyre. Sepse vijnë e kërkojnë votën me prokurën e asaj gërdallës “non grata” në Tiranë. Shqipëria sot nuk ka qenë ndonjëherë më e vlerësuar dhe respektuar sesa sot”, tha ai. 

Kur jemi 7 ditë larg zgjedhjeve të 14 Majit, Edi Rama dukshëm ka humbur qetësinë për shkak të sondazheve të brendshme të PS ku kandidatët e tij dalin më pak të pëlqyer në raport me ata të primareve të PD. 

Dhe këtë Rama e reflekton në çdo takim ku shfrenon fjalorin për kundërshtarët duke ndjellë urrejtje thjeshtë e vetëm pse shqiptarët nuk e duan më atë dhe kandidatët e tij "kukulla".