Banorët e fshatit Bërxullë të Tiranës filluan sërish protestën e tyre sot për kompensimin e drejtë të pronave që u shpronësohen prej autostradës Thumanë-Kashar.
Si gjithnjë në këta shtatë muaj revoltë, pranë tyre dhe në mbështetje të tyre kanë qenë vetëm gazetarët.
Gazetarja e SYRI TV raportoi edhe sot direkt nga rruga e fshatit ku ata protestonin, ndërkohë që nisi të binte shi dhe njeri prej këtyre banorëve iu afrua nga pas për ta mbrojtur me çadër.
Gjesti fisnik i zotërisë, me aq thjeshtësi e përkujdesje, qe përtej çdo falenderimi dhe mirënjohjeje që mund t’i shprehej misionit të gazetares.
© SYRI.net