Kryetarja në detyrë e Bashkisë Durrës shkel Kodin Zgjedhor duke hedhur asfalt elektoral në rrugët e qytetit bregdetar, pavarësisht se jemi në prag të zgjedhjeve lokale. Emirjana Sako synon votëbesimin e qytetarëve duke arnuar nxitimthi rrugët e lëna nën harresë prej vitesh.
SYRI TV
Teksa na ndajnë dhe pak kohë nga zgjedhjet vendore, Bashkia e Durrësit po vazhdon asfaltin elektoral edhe pse kjo është shkelje e Kodit Zgjedhor.
Edhe pse rruga Arapaj në qytetin e Durrësit i është nënshtruar disa herë punimeve, asfalti është shkatërruar, pikërisht për shkak të nxitimit për të arrnuar rrugët, me qëllim marrjen e votave të qytetarëve.
Në lidhje me fenomenin e shtrimit të asfaltit elektoral në Durrës, ka reaguar edhe Sekretarja e Marrëdhënieve me Publikun në Partinë Demokratike, Jola Hysaj.
Durrësi po "Rilind" vetëm në 3 javë para zgjedhjeve vendore. Bashkia sapo i ka zbuluar te gjitha rrugicat e këtij qyteti vetëm këto pak ditë, dhe vetëm në pak orë, "punëmbaruarit" kanë shtruar kilometra me asfalt në trashësinë e cipës së qepës. Qytetarët e Durrësit janë të diskriminuar nga pushteti vendor në të gjithë shërbimet që marrin dhe që duhet të jenë të barabarta për të gjithë.
Ethet e zgjedhjeve e kanë shtyrë kryetaren e bashkisë, Emirjana Sako të fillojë punimet duke mos vendosur asnje tabelë të projektit e as fondit të akorduar për këtë rrugë.
© SYRI.net