Belind Këlliçi, kandidati i opozitës për Bashkinë e Tiranës, ka publikuar sot pamjet se si do të zgjidhjet trafiku  i rënduar në qendrën e Tiranës me projektin e tunelit nëntokësor që përshkon sheshin "Skënderbej", hartuar nga ekipi i tij.

"Zgjidhje për trafikun. Shihni si lehtësohet qarkullimi me nënkalimin te sheshi 'Skënderbej'," shkruan Këlliçi.

Gjatë prezantimit sot të projektit në sheshin Skënderbej, Këlliçi shpjegoi se "do të ndërtojmë një tunel rreth 200 m me 4 korsi, 2 në vajtje 2 në kthim që do të lidhin bulevardin “Dëshmorët e Kombit”me bulevardin “Zogu i Parë” për të shfryrë rreth 60% të trafikut në këtë zonë".