Kandidatja demokrate për kryetare bashkie në Korçë e dalë nga procesi i primareve në Korçë, Ledina Alolli vazhdon turin e saj të takimeve.

Në një takim entuziast me strukturat e Partisë Demokratike në Voskopojë, Alolli ka dhënë udhëzimet e radhës në fushatën elektorale e cila po shkon drejt fazës përfundimtare. Ish deputetja është shprehur se demokratët janë gati për ti dhënë frymëmarrjen e nevojshme Bashkisë së Korçës.

Kandidatja e opozitës ka falënderuar të gjithë për mbështetjen e dhënë kundër “makinerisë së pushtetit” siç e ka quajtur ajo teksa është zotuar se më 14 maj do I jepet fund abuzimeve dhe Bashkia do ju kthehet qytetarëve.