Edi Rama e ka mohuar pasditen e sotme miqësinë me ish-zyrtarin e FBI-së të arrestuar në Nju Jork për marrjen e 225 mijë dollarëve nga dy njerëz të besuar të kryeministrit të Shqipërisë.

Duke iu përgjigjur pyetjeve të gazetares së SYRI TV, Ambrozia Meta, Rama është shprehur se i ka dhënë mik McGonigal në kuptimin anglez dhe jo atë shqiptar.

‘Fjala mik është shumë e madhe, kur kam folur në atë kohë, kam folur në kuptimin e gjuhës angleze, që dmth, friendly, miqësie, jo një mik me të cilin unë kam ndarë jetën me të.

‘E kam takuar në zyrën më të rëndësishme të FBI-së në SHBA, atë të Nju Jorkut, dhe më ka prezantuar edhe kolegë të tjerë së, ku edhe më ka dhënë edhe ato dhurata, kapele e medalje, që në big brotherin politik u shfaqën si aparatura përgjimi’, u shpreh Rama për median.