Lideri i opozitës Sali Berisha e ka cilësuar një manipulim materialin e publikuar ne media për 21 janarin.

Gjatë një konference për shtyp, Berisha deklaroi se ky material është manipuluar dhe falsifikuara nga Ardi Veliu, ndërsa solli në vëmendje se kjo ngjarje është hetuar nga kundërshtarja e tij Ina Rama dhe në prani të ndërkombëtarëve. 

Për protestën e mbajtur 12 vite me parë, Berisha akuzoi Ramën si organizator të dhunës dhe për përdorimin që iu bëri protestuesëve si mish për top.

Ish kryeministri Berisha sfidoi kreun e qeverisë Edi Rama që të heq dorë nga imuniteti dhe të përballet me drejtësinë për organizimin e puçit më 21 janar.