Kandidati i opozitës për Bashkinë e Tiranës në zgjedhjet e 14 majit, Belind Këlliçi, ka njoftuar me anë të një statusi në rrjetin e tij social ‘Facebook’ se sot ka nisur turin e parë të dëgjesave me bashkëqytetarët dhe konkretisht në Njësinë 7 të kryeqytetit.

Këlliçi njofton gjithashtu se janë qytetarët ata që do flasin për Tiranën për shqetësimet, ndërkohë që premton se në vijim do jetë pranë çdo njësie administrative të kryeqytetit.

Statusi i plotë i Këlliçit:

Ju them me zemrën plot se nisa turin e parë të dëgjesave me bashkëqytetarët. Për fillim tek Njësia 7 dhe në vijim në çdo njësi administrative.

Do të flisni ju për Tiranën, për realitetin ku jetoni, për shqetësimet që keni dhe për kritikat që nuk ju jepet hapësira publike t'i shprehni.

Belindi