Fation Veizaj ka dhënë dorëheqjen si deputet i Partisë Demokratike.
Ai ka njoftuar se ka e ndërmarrë këtë hap pasi PD- sipas tij është e përçarë dhe që prej një viti i gjysëm nuk po ia del dot t'i japë fund kësdaj situate.
Njoftimin për këtë vendim ai e ka ndarë në faqen e tij në Facebook.
Sipas listës së kandidatëve për deputetë në zgjedhjet e 2021, mandati i kalon Gëzim Ademajt. Nëse dhe ky nuk e pranon, sipas radhës i kalon Jolio Dines.
Ademaj ka qenë më parë drejtor i minierës së Selenicës dhe ishte përfaqësues i PDIU në listën e kandidatëve të PD në zgjedhjet e 2021.
Njoftimi i plotë
Të nderuar miq,
Kur pata nderin të zgjidhem deputet i Partisë Demokratike në Qarkun e Vlorës, nuk e kisha menduar kurrë përçarjen e demokratëve. Për fat të keq, prej një viti e gjysëm, Partia Demokratike nuk po ia del t’i japë fund përçarjes. As lidershipi dhe as deputetët e saj nuk po i përgjigjen interesit të demokratëve për ta bërë atë një forcë udhëheqëse, të respektueshme dhe fituese.
Vala e re e përjashtimeve në Partinë Demokratike ishte e tepert. Mund të jetë një vendim taktik në funksion të numrave në grup, por vendimi ul edhe me tepër besueshmërinë dhe seriozitetin për të ardhmen grupimit vendimarrës.
Kanë plot të drejtë demokratet në zemërimin, zhgënjimin, madje edhe sarkazmën e tyre. Të treja këto ndjesi i kam përjetuar gjatë këtyre diteve.
Në këtë kohë të trazuar për Partinë Demokratike, jam përpjekur të mos e ushqej përçarjen, të qendroj pranë zgjedhësve, të respektoj bindjet e tyre, por zhvillimet e fundit kanë treguar se ndarja në Partinë Demokratike është e pakthyeshme.
Duke refuzuar kategorikisht përjashtimet nga njëra anë, por dhe mënyrën e përdorur nga individë të caktuar në kërkim pushteti personal, pa respektuar dinjitetin e deputetëve të zgjedhur dhe me pasojë thellimin e përçarjes nga ana tjetër, kam vendosur të heq dorë nga mandati i deputetit.
Detyrën time si opozitar do të vazhdoj ta kryej me kohë të plotë, duke punuar me kandidatët e opozitës për një rezultat sa më të mirë në zgjedhjet lokale!
Falenderime për të gjithë ata që më kanë mbështetur në këtë rrugë të pashkelur më parë!
© SYRI.net
A e 'lëshoi' Rama, Veliajn? Ja si përgjigjen deputetët e Kuvendit të Shqipërisë për Piranjat
VIDEO/ Bëmat e Drejtorisë së Taksave Tiranë, vjel taksa për shfrytëzim të pronës private
'Retë e zeza kanë mbuluar Serbinë'/ Vuçiç e pranon se ka frikë nga padia e Kosovës për gjenocidZ. Veizaj, nuk duhet te hiqni dore nga te qenit deputet ! Perse u trembet, si e pranuat te qenit deputet, fushe me lule, te merrni rroga te majme dhe privilegje te papara ? Dhe ne pengesen e pare, fusni bishtin ne shale dhe largoheni, ne vend qe te rezistoni, te luftoni, sidomos kur arrihet te perjashtohen demokrate te kalibrit te z. Bylykbashi, Kellici, Shehu, etj. Por ndoshta edhe juve ju kane premtuar te drejtoni ndonje program televiziv, apo ndonje shume te madhe parash ? Kur populli i zgjuar vlonjat ju zgjodhi deputet, ku i late premtimet bere ketyre vlonjateve, qe do te perpiqeshit per ta ? Ne veshtiresine me te pare u zbythet, duke lene fushen e betejes. Turp per ju, u zbythet perpara disa njerezve pa moral dhe nuk ditet te gjeni vendin tuaj? Ku i late vlonjatet qe besuan tek ju. Preferuat pozicionin e frikacakut( Prej lufte vec ai largohet qe eshte lindur tradhetor, kush eshte burre nuk frigohet por vdes, por vdes si nje hero). Cfare do te te bente alibasha, n.q.s do te pozicionoheshit ne grupin e rithemelimit ? Por ndoshta nuk ju dilnin llogarite e perfitimeve ? Une nuk ju njoh, por me mire pa ju ne Partine Demokratike, se sa me ju !
Denonco
Merrni lajmet më të fundit nga SYRI.net në çdo moment dhe kudo që të jeni!
