Ish-deputeti socialist, Ervin Bushati, ishte i ftuar në emisionin ‘Top Story’ të Grida Dumës në Top Channel, për të diskutuar për skandalin e faturave për hotelet luksoze të Arben Ahmetajt.

Biznesmeni i inceneratorëve, Klodian Zoto ka paguar për këto fatura të majme duke nisur që nga viti 2013.

Por Bushati tha se edhe pse emri i Ahmetajt del në kompjuter, nuk dihet nëse ai ka shkuar në hotel.

“Nuk e gjykojmë dot SPAK-un ne, sepse nuk jemi gjykatës.

Duhet provuar që këto janë fatura të vërteta, se nuk mund të themi të vërteta.

Pse të themi direkt se ministri është i fajësuar?

Është hapur një kompjuter, që mund të kenë qenë. Ne nuk e dimë se a ka qenë personi? Nuk e dimë a ka vajtur personi, a ka ndodhur?” tha ai.