Eksperti i ekonomisë Vjoldi Danaj, i ftuar në emisionin Task Force të moderatores Sonila Meço në Syri TV, ka komentuar zhvillimet në PD.

Danaj theksoi se Shqipëria sot është pa opozitë të fortë, duke shtuar se nuk flet për afera të tmerrshme korruptive të qeverisë Rama.

“Rama dhe Basha po bashkëpunojnë, opozita nuk flet për afera të tmerrshme korruptive. Kjo opozitë nuk kritikon dot as ardhjen e Erdoganit, që në këndvështrimin ekonomik interesa ka Turqia dhe jo Shqipëria.

Shqipërisë i mungon opozitë e fortë, kjo opoziotë nuk duron dot zërat kritikë. Shumë media të qeverisë kanë një “dashuri” të madhe për Bashën”, deklaroi Danaj.