Partia Demokratike, akuzoi qeverinë dhe bashkinë e Tiranës se ka shkelur ligjin, duke shembur banesat në zonën e 5 Majit, pa dëmshpërblyer më parë banorët. Nënkryetari I PD, Alfred Rushaj, deklaroi se qeveria po tallet me 5000 banorët e kësaj zone, duke mos u kthyer përgjigje shqetësimit të tyre.
Nga Syri Tv
Partia Demokratike ka denoncuar shembjet e banesave në lagjen 5 maji, duke akuzuar qeverinë se ka braktisur banorët, pa u dhënë dëmshpërblim për pronat. Nënkryetari I Partisë Demokratike, Alfred Rushaj, akuzoi qeverinë dhe bashkinë se ka shkelur ligjin dhe kushtetutën, pasi po prish banesat, pa u dhënë banorëve demshpërblim paraprak.
Banorët e Zonës së 5 majit, akuzuan qeverinë dhe bashkinë se nuk u kanë dhëne shpjegime për projektin dhe shembjet e banesave, duke hedhur poshtë pretendimet e bashkisë së Tiranës se shumica e tyre, kanë firmosur për prishjen e banesave.
© SYRI.net