Bashkia e Tiranës ka marr në administrim Sarajet e Tiranës pas shpronësimit të bërë nga qeveria për ta kthyer në Muze. Por pronarët e godinës kanë kundërshtuar veprimet e bashkisë pasi janë të pakënaqur me vlerën e kompensimit, që sipas tyre është disa herë më e ulët se vlera e tregut.
Pronarët e Sarajeve të Tiranës janë kundër vlerës së kompensimit që qeveria ka vendosur ti shpronësojë. Bashkia e Tiranës ka ndërhyrë për të marrë godinën në administrim cka ka sjell edhe irritimin e disa prej pronarëve të kësaj godine. Sarajet e Toptanëve si monument Kulture kanë kaluar nënë administrimin e Bashkisë TIranë por ky kalim nuk është pritur mirë nga pronarët, të cilët thonë se vendimet janë marrë pa i konsideruar fare ata.
Një përfaqësi e pronarëve u konfliktuan verbërisht me Policinë bashkiake që qëndronte në gatishmëri që prej mbrëmjes të së mërkurës, veprimi që acaroj situatën ishte fakti se punonjësit e bashkisë dispononin çelësat e dyerve të pronës.
“Bëhet kjo sepse kësaj ia kanë vendosur syrin. Ministrja tha se duan që ta bëjnë bibliotekë. Pse duhet që të vijnë këtu e ta bëjnë bibliotekë? Bujrum, e japim me qira. Ne jemi krenar që prona jonë t’i shërbejë Tiranës. Bashkia do që ta marrë, por mos ta marrë me vlerë qesharake. Në gjyq do shihemi e ka për ta parë bashkia e kushdo sesa dëme do na japin ne për këtë që po na bën. Sot jemi të diskriminuar”, deklaroi pronarja.
Në datën 16 gushtë tek Sarajet e Tiranës ra një zjarr i qëllimshëm. Pas kësaj Kryebashkiaku Erion Veliaj bëri të njohur planin për kalimin e kësaj prone në zotimin e bashkisë dhe shfrytëzimin e saj si Muze.
Pronarët kanë hedhur dyshime se pas sarajeve të Tiranës Bashkia do të ndërtojnë pallate duke rezultuar i njëjti skenar si me Sahatin e Tiranës që tashmë qëndron nën hijen një gradaçelë duke sfumuar vlerën e saj.
© SYRI.net
Tani.radha.ju.ka.ardhur shtepive.private
Epo.mos.e.votonit