Aktivisti dhe avokati i njohur, Redon Meksi, në një intervistë në Syri TV në Edicionin e Pasdites me modetoren Armela Ferko, foli për protestën që pritet të mbahet për rritjen e çmimeve.
Meksi thekson se secili duhet të dalë në protestë për interesin e tij, duke shtuar se kriza që pritet të mbërrijë është e frikshme.
“Unë do të dal në protestë personalisht. Kriza që do kapë Shqipërinë është e frikshme. Duhet reagim, për të vënë qeverinë në presion, për të kuptuar se po gabon, se edhe më përpara kemi pasur çmimet më të larta në rajon e deri në botë.
Çmimet në Shqipëri janë më të larta se në vende të BE-së. I bie që pensionistët nuk do ngrohen, nuk do hanë si duhet. Kriza nuk duket ndërkombëtare, mjafton që qeveria të ndalë PPP-të dhe gjithçka rregullohet. Këta e dinë se ne nuk reagojmë, rrimë me para borxhe, nuk ushqejmë si duhet fëminët etj, e në fund të fundit ne jemi sovrani, jo ai”, u shpreh Meksi.
© SYRI.net