Ish-Kryeministri Sali Berisha ka ballafaquar sot, dy momente mjaft domethënëse të pjesëmarrjes së Sait Dollapit, Sekretarit Organizativ të PD, në protestat e opozitës përpara Kryeministrisë. Moment i parë është ai kur Dollapi, në njërën prej protestave, vrapon dhe u del përpara protestuesve të revoltuar për të mos lejuar të prekin policët e rreshtuar përpara Kryeministrisë dhe momenti i dytë, ai i rrahjes së tij nga Policia në kulmin e protestës së 11 majit.

"Kjo video, - shkruan Berisha në Fb, -  tregon Sait Dollapin para Kryeministrisë duke u përpjekur me guxim për të mbajtur rendin dhe, se si goditet dhe torturohet kafshërisht më pas -  nga kriminelë me uniformë, me urdhër të Edvin Krimit dhe Vasal Kimikut!"