Një grua bleu një vazo qelqi për 3,99 dollarë në një dyqan sendesh të përdorura dhe e shiti në ankand për 100,000 dollarë.

Jessica Vincent e bleu vazon dhe mendoi se mund të kishte një vlerë pak më shumë se produktet e zakonshme, tha ajo për New York Times.

“Kisha një ndjesi se mund të vlente 1,000 ose 2,000 dollarë, por nuk e kisha idenë se sa me vlerë ishte në të vërtetë derisa bëra pak më shumë kërkime,” tha ajo pasi vuri re një 'M' të vogël në fund të vazos, gjë që e bëri të dyshonte se mund të ishte Murano, një ishull italian pranë Venecias, i famshëm për punimet e qelqit.

Jessica hulumtoi më tej dhe disa njerëz në internet i treguan se i ngjante një vepre të arkitektit të famshëm italian Carlo Scarpa.

Ajo e dërgoi vazon në Shtëpinë e Ankandit Wright, ku u shit për 107,100 dollarë. Vazoja u identifikua zyrtarisht si pjesë e serisë "Pennellate" të viteve 1940 të Scarpa-s.

Ky po që është fat!