Artisti belg Vin Kleman ka realizuar flautin më të gjatë në botë, i cili është tetë metra.

Tingulli i pazakontë nga ai flaut ishte baza që kompozitori Rob Simonsen të krijonte muzikë për filmin “The Whale”, i cili fitoi dy Oscar prestigjioz.

Kleman ka qenë i magjepsur pas tingullit dhe muzikës që në fëmijëri, prandaj filloi të bënte instrumente. Artisti autodidakt fillimisht bëri instrumente për vete dhe shkonte në pyll çdo dimër ku kërkonte dru të mirë.

Pastaj ai zakonisht mban një mjet për të shpuar pjesë të drurit për të dëgjuar se çfarë tingulli ose dridhje mund të prodhojë.

Kujtojmë që Kleman u bë i njohur më vonë në mbarë botën si krijues i instrumenteve të punuar me dorë.