Një instruktore fitnesi, së cilës iu dha një mundësi për mbijetesë prej 5% pasi u sëmur me një virus vdekjeprurës në Vietnam, është duke mësuar si të ecë sërish.

Mekala Osborne u sëmur pasi u infektua me virusin në Vietnam, teksa udhëtonte për në Azinë jug-lindore me një shoqe shtatorin e vitit të kaluar.

Instruktorja fillimisht zhvilloi simptoma të lehta gripi, por më pas u shtrua në spital.

Ajo u vendos në një koma nga doktorët për shkak të pneumonisë së thellë që kaloi.

Pas kësaj ajo arriti të shërohej nga virusi, por kishte humbur ndjeshmërinë në gjymtyrë.

Tashmë, muaj më vonë, Mekala po mëson si të ecë sërish.