Një skuadër kërkuesish kinezë ka arritur në majën e Malit Everest ditën e sotme për të përcaktuar njëherë e mirë debatin rreth lartësisë së tij.

Tetë ngjitës mali kinezë arritën në pikën më të lartë të tij në orën 11 të mëngjesit, pas ngjitjes për 9 orë, raporton media shtetërore kineze.

Nepali dhe Kina kanë nisur një projekt shkencor kërkimor për të kuptuar lartësinë e saktë të Everestit që nga prilli, një ekspeditë e përshkruar nga qeveria kineze si një simbol i përjetshëm i miqësisë ndërmjet dy vendeve.