Sipas një studimi të ri, peshqit ndiejnë dhimbje në një mënyrë që është jashtëzakonisht e ngjashme me njerëzit dhe ato hiperventilohen dhe ndalojnë të hanë kur vuajnë.
Rishikimi i sjelljes së peshkut, nga Universiteti i Liverpool, paraqet prova që peshqit e artë që pësojnë një goditje elektrike në një pjesë të rezervuarit të tyre ndalojnë së ushqyeri atje për tre ditë, duke e uritur veten e tyre.
Një lloj peshku i quajtur gisht, kur goja e tij dëmtohet nga një grep peshkimi, nuk do ushqehet aq shpesh, duke supozuar kështu se ka dhimbje ndaj nuk e bën një gjë të tillë.
Peshqit janë parë gjithashtu të shqetësuar duke tundur bishtat e dëmtuar dhe fërkuar pjesët e trupit të tyre kur lëndohen.
Dr Lynne Sneddon, autori i rishikimit nga Instituti i Biologjisë Integruese në Universitetin e Liverpoolit, tha: 'Kur janë subjekt i një ngjarje potencialisht të dhimbshme, peshqit tregojnë ndryshime në sjellje të tilla si pezullimi i të ushqyerit dhe aktiviteti i zvogëluar, të cilat parandalohen kur sigurohet një ilaç për lehtësimin e dhimbjes’.
Kur buzëve të peshkut u jepet një stimul i dhimbshëm, ata e fërkojnë gojën në anën e rezervuarit ashtu si ne e fërkojmë gishtin e këmbës kur e gërvishtim.
Nëse pranojmë dhimbjen e peshkut, atëherë kjo ka implikime të rëndësishme për mënyrën sesi i trajtojmë. Duhet më tepër kujdes ndaj kësaj gjallese.
Marrë nga: dailymail.co.uk-Përgatiti: F.H, Syri.net
© SYRI.net