Biblioteka e Kongresit bëri publike një tekst të rrallë 2,000-vjeçar të Budizmit të hershëm të hënën, dhe ai ofron një paraqitje të shkurtër të historisë së hershme Budiste gjatë viteve të formimit të saj.

Rrotulla e ka zanafillën në Gandhara, një rajon i lashtë Budist në Afganistanin verior dhe Pakistan. Vetëm disa qindra dorëshkrime Gandharane janë të njohura për studiuesit në të gjithë botën, dhe secila është jetike për të kuptuar zhvillimin e hershëm të letërsisë budiste. 

Për shembull, duke përdorur analizën gjuhësore, studiuesit studiojnë këto dorëshkrime për të paraqitur përhapjen e Budizmit në të gjithë Azinë.

Teksti Gandhara është transmetuar nga Shakyamuni Buda, udhëheqësi fetar i njohur gjithashtu si Siddhartha Gautama, dhe tregon historinë e 13 Buddhave që i paraprinë atij, shfaqjen e tij dhe parashikimin e një Bude të ardhshëm. Informacioni jepet mbi kohën që ka jetuar Buda, klasa shoqërore në të cilën ka lindur dhe sa kanë qëndruar mësimet e tij të gjitha këto janë të kronikuara në tekst.

"Ky është një artikull unik sepse është shumë i vjetër në krahasim me dorëshkrime të ngjashme dhe, si i tillë, na sjell, duke folur historikisht, relativisht afër jetës së Budës", tha Jonathan Loar , bibliotekari i referencës në Divizionin Aziatik në Bibliotekën e Kongresit.

Dorëshkrimi ruan gati 80% të tekstit origjinal, me vetëm fillimin dhe fundin që mungon. Shumica e papiruseve të tjera të Gandharan, të njohura për studiuesit, janë më fragmentare.

"Doja të gjeja një mënyrë për ta ndarë këtë artikull tepër unik me publikun" i tha Loar CNN. "Dorëshkrimi është shumë mirë i ruajtur falë punës së konservatorëve të Bibliotekës, por është akoma tepër i brishtë".

Blerë në vitin 2003 nga një koleksionist privat, rrotulla është një nga pjesët më të ndërlikuara dhe të brishta që Biblioteka e Kongresit ka trajtuar ndonjëherë.

Trajtimi i tekstit nuk do të kishte qenë kurrë i mundur nëse jo për kushtet unike në të cilat ishte ruajtur.

"Një arsye tjetër është se klima relativisht e thatë e rajonit të Gandharan ndihmon në ruajtjen e materialeve si dorëshkrime në lëvoren e thuprës".

Megjithëse dorëshkrimi origjinal në vetvete është shumë i brishtë për shfaqjen publike, duke digjitalizuar tekstin, biblioteka mund të ndajë me publikun këtë pjesë të rëndësishme të historisë.

Marrë nga: cnn.com-Përgatiti: F.H, Syri.net