Një matador spanjoll fshiu gjakun nga fytyra e një demi para se të vriste kafshën e plagosur rëndë në një gjest që përshkruhej si ‘shumë i keq’ nga një grup i të drejtave të kafshëve ndërsa të tjerët e quanin një gjest të ‘respektueshëm’.

Morante de la Puebla mori pjesë në një festival lufte me dema në arenën Real Maestranza në qytetin e Seviljes në rajonin jugor spanjoll të Andaluzisë, kur ndodhi incidenti.

39-vjeçari shihet duke nxjerrë një shami dhe me dorën e tij të zhytur në gjak pastron fytyrën e demit i cili është duke ngordhur. Demi duket se ka 4 shtiza të ngulura në shpinë dhe mungon shumë pak nga momenti përpara se ai të ngorshë përfundimisht.

Ky çast është publikuar në Twitter dhe është parë 2.3 milionë herë.

Tifozët e bullgarë e konsideruan gjestin si shenjë respekti për kafshën - por komentuesit në mediat sociale dhe grupet e të drejtave të kafshëve e kanë goditur incidentin.

Silvia Barquero Nogales, kreu i partisë politike spanjolle të kundër keqtrajtimit të kafshëve (Pacma), tha: 'Vetëm një mendje e keqe dhe e çoroditur mund të torturojë një kafshë derisa gjaku të derdhet poshtë këmbëve dhe pastaj t’i fshij fytyrën me një shami’.

Marrë nga: dailymail.co.uk- Përgatiti F.H, SYRI.net