37 vjeçarja Anna Alaburda ka paditur Universitetin ku është diplomuar, sepse pavarësisht se është diplomuar me nota maksimale, nuk ka mundur të gjejë punë si avokate.

Ajo u diplomua në vitin 2008 në Thomas Jefferson Universiteti i Juridikut, e gjatë studimeve ajo nuk ka shpenzuar pak por plot 170,000$ dhe këto para i ka marrë kredi bankare si shumë studentë në botë.

Por pavarësisht se kishte dalë me rezultate të larta, pas diplomimit ajo gjeti vetëm disa punë me kohë të pjesshme nëpër firmat e ligjit, ku, megjithatë, detyrat që ajo kryente ishin të kufizuara vetëm në shqyrtimin e dokumenteve.

Jo vetëm në aspektin e kënaqësisë profesionale, por edhe për të paguar borxhin e kontraktuar për të paguar shkollimin në universitet.

Për këtë arsye, gruaja vendosi të padisë Universitetin, duke i akuzuar ata për manipulimin e statistikave të punësimit: me fjalë të tjera, Universiteti do të paraqiste të dhëna që tregonin se të diplomuarit e këtij universiteti gjenin punë më lehtë dhe fitonin më shumë se sa ishte me të vërtetë, për të tërhequr sa më shumë aplikantë të cilët duhet të paguanin tarifat e larta.

Pra sipas saj gjithçka ishte manipuluar për përfitim monetar të universiteteve.

Sipas Paul Campos, një profesor në Universitetin e Kolorados rezulton se 45% e nxënësve në Juridik nuk mund të gjejë punë në profesionin e tij, ndërsa universitetet deklarojnë statistika krejt të kundërta dhe sipas tyre 80% e nxënësve gjejnë punë pa probleme.

Rasti i Anna Alaburda nuk është i pari dhe ka pasur edhe raste të tjera kur studentët janë përpjekur të ankohen ndaj universitetit.

Megjithatë, ishte hera e parë që rasti nuk u refuzua menjëherë nga gjyqtari dhe u lejua të fillonte një gjyq.

Marrë nga: notizie.delmondo.info- Përgatiti F.H, SYRI.net