Një grua indoneziane ka vdekur pasi është gëlltitur nga një piton rreth 7 metra i gjatë. Këto lloj incidentesh janë të rralla dhe kjo është vdekja e dytë e shkaktuar nga një gjarpër, e raportuar në Indonezi për një vit.

Çfarë ka ndodhur me gruan?

Wa Tiba, 54 vjece humbi të enjten e kaluar ndërsa po rrinte në kopshtin e saj të perimeve në ishullin Muna, në provincën Sulawesi. Banorët lokalë filluan menjëherë të bënin kërkimet.

Sandalet dhe një elektrik dore që po përdorte u gjetën një ditë më vonë, ndërkohë që një piton gjigand me një bark të fryrë ishte shtrirë rreth 30 metra larg.

"Banorët dyshonin se gjarpri e gëlltiti viktimën, kështu që ata e vranë atë, pastaj e larguan atë nga kopshti", tha shefi i policisë lokale Hamka për AFP.

Më pas kanë prerë barkun e gjarprit dhe kanë gjetur trupin e gruas.

Si sulmojnë pitonët?

Pitoni në Sulawesi besohet të ketë qenë i llojit që të tërheq si rrjetë.

Ata mund të arrijnë gjatësi më shumë se 10m dhe janë shumë të fuqishëm. Gjithmonë sulmojnë në një pritë, duke u mbështjellë rreth predhës së tyre dhe duke e shtypur atë. Vrasjen e bëjnë me mbytje ose shkaktojnë sulm në zemër brenda pak minutash. Pitonët e gëlltisin të gjithë ushqimin e tyre. Grykën e kanë aq fleksibël sa mund të fusin në stomak edhe një njeri. Kur duhet të hajnë njerëz, një prej faktorëve kufizues është shpatulla e njeriut sepse nuk thyhet.