Syri Tv/ 'Teutana', romani i ri i i Alfred Dukës, Shkrimtari: Nuk i ngjan askujt, nuk konkurron asnjë

Nga SYRI TV

Pas librit të tij të parë, shkrimtari Alfred Duka vjen para lexuesit me veprën e re “Teutana”, një roman që ndërton një metaforë të gjerë mbi dashurinë, marrëdhëniet njerëzore dhe përkohshmërinë e jetës. Vetë autori e përkufizon romanin si bashkimin e dy emrave të grave, Teutës dhe Anës. Teutana është bashkëshortja e heroit kryesor, ndërsa Ana është e dashura e tij. Duka e sheh këtë ndarje si reflektim të një realiteti të brendshëm që shpesh mbetet i pathënë.

Romani, sipas autorit, ka një strukturë të veçantë, të ndërtuar si një arkipelag ngjarjesh që ndërthuren në thellësi e sipërfaqe. Duka e konsideron “Teutanën” si një roman metaforik, që kërkon lexues të kujdesshëm e reflektues.

Autori pranon se nuk kërkon të imponojë mesazhe, por të tregojë jetën në gjendjen e saj të natyrshme.

“Teutana” del si një roman që ndërthur ndjenjën me filozofinë dhe realitetin me kujtesën, ku çdo lexues mund të gjejë një pjesë të vetes.