Një aksident rrugor është regjistruar mëngjesin e kësaj të diele në aksin kombëtar Peqin–Elbasan, pranë fshatit Gjocaj. Përplasja ka shkaktuar dëme materiale dhe lëndime të lehta, por fatmirësisht pa pasoja për jetën.
Sipas informacioneve paraprake nga vendngjarja, në aksident janë përfshirë tre automjete, dy prej të cilave kanë pësuar dëmtime të konsiderueshme. Ngjarja ka ndodhur në një nga hyrje-daljet që lidhen me aksin kombëtar, në zonën rurale të Gjocajt.
Si pasojë e përplasjes, dy persona kanë mbetur të lënduar lehtë dhe kanë marrë ndihmën e nevojshme mjekësore. Burime bëjnë me dije se gjendja e tyre shëndetësore është jashtë rrezikut për jetën.
Në vendngjarje mbërritën menjëherë shërbimet e Policisë Rrugore, të cilat kryen veprimet procedurale dhe menaxhuan qarkullimin, duke rikthyer në normalitet lëvizjen e automjeteve pavarësisht fluksit të lartë në këtë segment.
Ky është aksidenti i tretë i regjistruar brenda pak ditësh në zonën e Gjocajt, një situatë që rikthen në vëmendje shqetësimet për sigurinë rrugore në këtë aks dhe nevojën për kujdes të shtuar nga drejtuesit e mjeteve.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Plagosja 22 - vjeçarit në Kurbin/ 47-vjeçari shpallet në kërkim pasi mori edhe makinën e të riut
Qëlloi me armë në ajër për të kanosur disa persona, arrestohet 38-vjeçari në Dibër
Dyshohet se përdori euro të falsifikuara për pagesa, arrestohet 24-vjeçari në Durrës