Një aksident i rëndë rrugor është regjistruar në orët e para të mëngjesit të së mërkurës në aksin Lezhë–Shëngjin, pranë lapidarit, ku një 31-vjeçar ka mbetur i plagosur.
Sipas informacioneve paraprake, drejtuesi i automjetit tip “Audi”, shtetasi K.G., banues në Shëngjin, ka humbur kontrollin e mjetit gjatë lëvizjes dhe është përplasur fillimisht me një mur rrethues.
Pas goditjes, automjeti ka përfunduar duke u përplasur edhe me dy mjete të tjera të parkuara pranë rrugës.Përplasja ka qenë e fortë dhe si pasojë 31-vjeçari ka pësuar fraktura të shumta në trup.
Ai është transportuar fillimisht në Spitalin Rajonal të Lezhës, ku ka marrë ndihmën e parë mjekësore, ndërsa më pas është dërguar në Spitalin e Traumës në Tiranë për trajtim të specializuar.Policia ka mbërritur në vendngjarje dhe ka nisur hetimet për zbardhjen e plotë të rrethanave të aksidentit. Nga të dhënat paraprake dyshohet se shkak i përplasjes mund të ketë qenë shpejtësia e lartë.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Laert Haxhiu kapet ‘mat’,sapo i hyri në qeli policia i gjeti telefonin në dorë
SPAK kundërshtoi pafajësinë për vrasjen e Santiago Malkos, Elvis Duka pengesë për gjyqin
Një trëndafil për Enrik Mehmetin, Vlora ceremoni nderimi për gazetarin