Dosja e Vlorës, 8 urdhërreste/ Syri TV zbardh emrat! Policët e implikuar në trafik droge, jepnin informacione kundër rivalëve

Syri Tv zbardh të gjithë emrat e personave ndaj të cilëve SPAK kërkon arrestimin e tyre, në kuadër të një dosje që u hetuan vrasje e trafikim të tonelatave të drogës.

1- Inez Hajrulla (kërkim)
2- Ervis Matodashaj (kërkim)
3- Flodian Plaku (ekzekutuar në burg)
4- Rezart Kuçi (ekzekutuar masa nga AMP)
5- Hamëz Demushi (ekzekutuar masa në Zvicër)
6- Mendu Duka (në kërkim) 
7- Arben Memishaj (në kërkim)
8- Argest Xhezani (në kërkim)

Burime pranë organit hetues konfirmuan se anëtarët e grupit të strukturuar kriminal, vepronin thuajse në gjithë Europën, kun ë faza të ndryshme, janë kapur në Roterdam 700 kg kokainë, 500 kg maqedoni, e disa qindra kilogram të tjerë në Greqi e Hamburg të Gjermanisë apo Belgjikë.

Droga nisej nga Ekuadori dhe kishte destinacion vendet europiane kryesisht Hollandën dhe Belgjikën. Gazetari i Syri Televizion, Fatjon Gjinaj mëson se punonjësit e policisë ishin të përfshirë jo vetëm në aktivitetin e narkotikëve por edhe në ndihmë të grupit kriminal, duke dhënë informacione kundër rivalëve të tyre që kërkoheshin të eliminoheshin.

Burime pranë SPAK bëjnë me dije se kjo dosje është ‘vetëm fillimi i një procesi pasi prova e elemente të reja po hetohen mbi aktivitetin e anëtarëve të këtij grupi dhe personave të tjerë që nuk janë ekspozuar deri tani.