Një aksident i rëndë rrugor është regjistruar pak momente më parë në zonën e Kalasë, ku një kamionçinë ka humbur kontrollin dhe ka goditur barrierat mbrojtëse, për të përfunduar disa metra më poshtë në pjesën e plazhit.

Sipas informacioneve paraprake, dyshohet se shkak i aksidentit ka qenë shpejtësia tej normave të lejuara, e kombinuar me lagështinë në rrugë. Si pasojë, një person ka mbetur i plagosur rëndë dhe është transportuar me urgjencë në spitalin e Vlorës, ku po merr ndihmën e nevojshme mjekësore.

Në vendngjarje kanë mbërritur shërbimet e policisë dhe të emergjencës, ndërsa po punohet për zbardhjen e plotë të rrethanave të aksidentit.