Orendi të dëmtuara, mure me lagështi dhe balte rrugëve. Kjo është pamja që të ofron Durrësi një ditë pas përmbytjes. Banorët fajësojnë bashkinë e cila nuk u ka ardhur në ndihmë, madje nuk ka pastruar as pusetat dhe as kanalet. Sipas tyre prej 12 orësh uji ne disa banesa ende nuk është larguar. Ndërkohë edhe ne Vlorë e njëjta situatë, të njëjtat shtëpi përmbyten sa herë bie shi.

Syri TV

Banorët dhe bizneset në Vlorë dhe në Durrës po bëjnë llogaritjet e dëmeve nga përmbytja e një dite me pare. Durrësi është qyteti me i dëmtuar, pasi uji ende nuk është larguar nga banesat edhe bizneset. Banorët fajësojnë bashkinë e cila i ka lënë në harresë.

Për disa nga banorët kjo është hera e dyte e për disa të tjerë hera e tretë që përmbyten duke nxjerr jashtë përdorimit orenditë shtëpiake. Sipas tyre tashme edhe muret e shtëpisë që kanë qëndruar ne ujë më shumë se 12 orë kanë marrë lagështi. Banorët shprehen se asnjë nga bashkia nuk ka shkuar për të verifikuar demet, teksa kërkojnë ndihmë, pasi  nuk munden  të përballojnë shpenzimet.

Por e njëjta situate ndodh edhe ne Vlorë. Ku banorët përmbyten për të disatën herë, por bashkia dhe institucionet shtetërore nuk marrin asnjë masë.

Të njëjtën situatë raportojnë edhe banorë të tjerë të lagjes. Sipas tyre, përmbytjet shkaktohen nga niveli i lartë i asfaltit të hedhur së fundmi në lagje, që bën që uji të hyjë në banesat e tyre, si dhe nga kanalizimet e bllokuara.