Një tjetër sasi record me perime, kryesisht kastraveca, speca dhe domate janë sekuestruar nga Policia pas urdhërit të Prokurorisë së Beratit në magazinën e Mariglen Qorrit, i cili dyshohet se ka tregtuar jashtë vendit, në Kroaci, domatet e kontaminuara me pesticide tej normave të lejuara, ku edhe pas analizave rezultoi me nivel të perparatit “Chlorfenapyr” mbi normat e lejuara, 0.06 mg/kg nga 0.01 mg/kg që duhet të jetë.
Pas arrestimit të Qorrit dhe dy inspektorëve të AKU-s, Berat, Policia ka mësyrë në magazinën e tregtarit, ndërsa aty janë gjetur sasi të konsiderueshme të perimeve të ndryshme, të cilat dyshohet të jenë të kontaminuara me sasi preparati.
Sipas Policisë, nga sasia e sekuestruar e perimeve të ndryshme, u morën mostra për analiza, pasi dyshohet se mund të jenë me përbërje të lartë preparatesh.
Lexo edhe: 8 tonë domate shqiptare të kontaminuara në Kroaci/’ Arrestohet pronari i kompanisë dhe dy inspektorët e AKU-së në Berat
Sakaq për pronarin e kompanisë së tregtimit të perimeve në Berat, Mariglen Qorrin dhe dy inspektorëve vendorë të AKU-së, u vendos arrestimi, ndërsa materialet procedurale iu referuan Prokurorisë së Beratit, për veprime të mëtejshme.
Njoftimi i policise
Berat/ Finalizohet nga Seksioni për Hetimin e Krimeve Ekonomike dhe Financiare, në bashkëpunim me Forcën e Posaçme Operacionale, në drejtimin e Prokurorisë së Beratit, operacioni "Again".
Prodhoi dhe eksportoi drejt shtetit Kroat, perime me nivel të lartë preparati "Chlorfenapyr", si dhe me fatura fiktive blerjeje, vihet në pranga administratori i subjektit.
Në pranga dhe dy inspektorë të AKU Berat, pasi gjatë kontrollit që kanë kryer në këtë subjekt, kanë plotësuar praktikën në mënyrë fiktive.
Sekuestrohen perime të ndryshme të cilat dyshohet të jenë të kontaminuara me sasi preparati.
Specialistët e Seksionit për Hetimin e Krimeve Ekonomike dhe Financiare, në bashkëpunim me Forcën e Posaçme Operacionale dhe në drejtimin e Prokurorisë së Beratit, pas informacioneve të marra se në një subjekt grumbulloheshin dhe eksportoheshin perime, për të cilat kishte paligjshmëri në eksportim, organizuan punën dhe finalizuan operacionin "Again".
Gjatë operacionit u vunë në pranga 3 shtetas, konkretisht:
-M. Q., 40 vjeç, banues në Kuçovë, administrator i subjektit të grumbullimit dhe eksportimit të perimeve. Ky shtetas kishte prodhuar dhe më pas kishte eksportuar drejt shtetit Kroat, 8 tonë domate të cilat pas analizave të kryera kishin rezultuar me përbërje të lartë të preparatit "Chlorefenapyr", dhe ishin asgjësuar nga autoritetet kroate. Gjithashtu, për të shmangur përgjegjësisë ligjore ky shtetas ka përdorur fatura fiktive blerjeje nga fermerë të tjerë;
-R. L., 27 vjeç, banues në Tiranë dhe G. L., 25 vjeçe, banuese në Berat, të dy inspektorë të AKU Berat, pasi kanë kryer kontrolle në këtë subjekt dhe praktikat e mbajtura kanë rezultuar të plotësuara në mënyrë fiktive, duke mos bërë marrjen e mostrave të domateve që ndodheshin në magazinë dhe bllokimin e tyre, si dhe kanë marrë si të rregullta faturat fiktive të blerjeve nga shtetasi M. Q., duke tjetërsuar në këtë mënyrë faktet në lidhje me produktet e konstatuara me nivele të larta preparati.
Nga kontrolli i ushtruar në magazinën e shtetasit M. Q., u sekustruan perime të ndryshme dhe u morën mostra për analiza, pasi dyshohet se mund të jenë me përbërje të lartë preparatesh.
Materialet procedurale iu referuan Prokurorisë së Beratit, për veprime të mëtejshme.
Denonco
Mbahet sot seanca në themel në GJKKO për gjyqin e Erion Veliajt
Fier/ Dy motrat kolumbiane ushtronin prostitucion, pikasen nga banorët e pallatit, prangosen nga policia
Mjekësia shqiptare në zi! Ndahet nga jeta pediatri i njohur Edi Tushe