350 mijë paund që do të vinin në Shqipëri për tu pastruar, para të përfituara nga aktivitete të dyshuara kriminale në Angli, janë kapur nga Agjencia Kombëtare e Krimit në Britaninë e Madhe.

Siç bëhet e ditur në një postim në rrjetet sociale nga NCA në Instagrami, katër anëtarë të dyshuar të një grupi të krimit të organizuar që specializohet në kontrabandimin e parave kriminale jashtë vendit drejt Shqipërisë janë arrestuar në një hetim të Agjencisë Kombëtare të Krimit.

Të dyshuarit u arrestuan më 13 prill gjatë një serie kontrollesh të koordinuara që filluan me arrestimin e një shtetasi shqiptar 48-vjeçar në Dover. Përafërsisht 200,000 stërlina para në dorë iu sekuestruan automjetit të tij, i cili dyshohet se ishte rrugës për në Shqipëri.

Dy persona të tjerë, të moshës 34 dhe 22 vjeç, dhe një djalë 17-vjeçar u arrestuan në adresat në Tottenham Hale, Londër, dhe rreth 150,000 £ në para të gatshme u sekuestruan në një automjet të dytë.