Janë të paktën 30 monumente natyre, një potencial i madh turistik në Zagori, por rruga krejtësisht e degraduar, bën që vizitorët të mos shijojnë bukuritë e kësaj krahine. Banorët e mbetur ende në fshat, thonë se u duhet 3 orë për të shkuar deri në Gjirokastër, ndërsa akuzojnë pushtetin lokal se i ka harruar.
Syri tv
Pliçani dhe krahina e Zagorisë në Gjirokastrës, janë dy zona me potencial turistik, ku intersi i vizitorëve nuk është i pakët.
Në këtë zonë, janë të paktën 30 monumente natyre që përbëjnë një potencial të çmuar për turistët. Por, për fat të keq, zhvillimi i kësaj zone është privuar nga infrastruktura rrugore, e cila është e degraduar.
Për banorët, politika ka dhënë vetëm premtime boshe, ndërsa rruga ka rrënuar jo vetëm turizmin por edhe jetën e përditshme në këtë zonë.
Rreth 40 km rrugë që duhen për të shkuar në këtë zonë nga Gjirokastra, kërkojnë minimalisht 3 orë udhëtimi me mjete të larta.
© SYRI.net