Një aksident i rëndë është regjistruar ditën e sotme në Belsh. Mësohet se një kamion ka aksidentuar një grua.
Ngjarja ka ndodhur në një kthesë, në unazën e qytetit.
E lënduara e cila mësohet se nga aksidenti ka marrë plagë të rënda në këmbë, është dërguar me urgjencë në spitalin e Elbasanit, fatmirësisht jashtë rrezikut.
Njoftimi i policisë:
Elbasan/Informacion paraprak
Në aksin rrugor "Cërrik-Belsh", kamioni që drejtohej nga shtetasi A. Ç., 48 vjeç, banues në Peqin, ka aksidentuar lehtë shtetasen D. T., 61 vjeçe (këmbësore), e cila po merr asistencë mjekësore në spital dhe ndodhet jashtë rrezikut për jetën.
Drejtuesi i kamionit është shoqëruar në Polici, për kryerjen e veprimeve të mëtejshme procedurale.
Grupi hetimor po punon për përcaktimin e rrethanave të aksidentit.
© SYRI.net