Ministria e Brendshme ka bërë ndryshime tek zyrtarët e saj në kufijtë e vendit, duke e dërguar Drejtorin e Drejtorisë së Kufirit dhe Migracionit në Korçë, Fatmir Hoxhën në një post tjetër. 

Fatmir Hoxha, që e mbante prej dy vjetësh këtë detyrë, u emërua në Sektorin e Mbrojtjes së Dëshmitarëve në Drejtorinë e Tiranës dhe në vend të tij është caktuar Idajet Hoxha, i ardhur nga Drejtoria e Përgjithshme e Policisë së Shtetit.

Ndryshimi i drejtorit të Kufirit në Korçë bëhet pak ditë para festave të fundvitit, kur shtohet fluksi i punës në kufi.