SYRI TV siguron foto të makinës me të cilën u largua autori i vrasjes së Elton Javorit. Vrasja ndodhi rreth orës 11:00 në lagjen ‘16 prilli’ në Fier.
Makina është tip benz "E class coupe' me targa shqiptare e prodhimit pas vitit 2011 me ngjyrë të errët. Vlera në treg e kësaj makine është 12- 15 mijë euro
Policia thotë se ka identifikuar autorin dhe po punon për arrestimin e tij.
Ka raportime të pakonfirmuara se 41-vjeçari dyshohet se u vra me pistoletë pas një krushqie të prishur.
41-vjeçari i ekzekutuar ditën e sotme është nipi i Demir Backës. Kështu bën me dije Klan News.
Kujtojmë se Demir Backa u vra në një atentat më 23 tetor të vitit 2021 pranë një qendre tregtare në Fier.
Backa është vëllai i një ish-anëtari të bandës së Fierit, i vrarë në 1997, Medi Backa. Ky i fundit u vra në masakrën e Levanit bashkë me 23 persona të tjerë.
© SYRI.net