Të shtëna me armë zjarri janë regjistruar pak minuta më parë në Fier. Paraprakisht dyshohet për një të vrarë.

Policia doli edhe me njoftim zyrtar. Sipas saj, është ekzekutuar një 41-vjeçar. Policia thekson se ka identifikuar autorin.

Fier/Informacion paraprak

Rreth orës 11:00, në lagjen "16 prilli", është vrarë me armë zjarri shtetasi E. J., 41 vjeç, banues në Fier.

Shërbimet e policisë, sapo kanë marrë njoftim, kanë shkuar menjëherë në vendngjarje, kanë identifikuar autorin dhe po punojnë për kapjen e tij.

Janë ngritur pika kontrolli në çdo aks rrugor, si dhe vijon intensivisht krehja e zonës.

Ndërkaq, grupi hetimor, në drejtimin e Prokurorisë, po punon për zbardhjen e plotë të rrethanave të ngjarjes dhe kapjen e autorit.