Një shqiptar është ekzekutuar në Greqi me një plumb pas koke. Ngjarja ka ndodhur në ishullin Salamis, ndërsa sipas mediave vendase shqiptari, identiteti i të cilit nuk bëhet ende me dije, është qëlluar me armë zjarri në banesën e tij.

Shqiptari mendohet të jetë rreth 55-vjeç, ndërsa ende nuk dihen rrethanat e ngjarjes. Ai është gjetur i vdekur nga miku i tij, i cili ka lajmëruar menjëherë autoritetet. Autori i vrasjes dyshohet të jetë një shqiptar, por nuk dihet asnjë arsye.

Viktima u gjet i ulur në karrige dhe sipas informacioneve paraprake kishte një plumb pas koke.