Një 22-vjeçar është arrestuar nga efektivët e Policisë Rrugore në Dibër, pasi kryente manovra të rrezikshme në rrugë.

I riu, i cili rezulton banues në Angli, nuk i është bindur urdhrit të punonjësve të Policisë, për të ndaluar, teksa po lëvizte me automjetin e tij në qytetin e Burrrelit.

22-vjeçari është larguar me shpejtësi dhe ka kryer manovra të rrezikshme në rrugë.

Shërbimet e Policisë, pasi janë vënë në ndjekje, kanë bërë ndalimin e 22-vjeçarit, i cili gjatë shoqërimit për në ambientet e Komisariatit, ka kundërshtuar me forcë, punonjësit e Policisë.

Pas kryerjes së testit të alkoolit, rezultoi se ky shtetas e drejtonte automjetin, në gjendje të dehur.

Materialet në ngarkim të tij i kaluan prokurorisë së Dibrës për veprime të mëtejshme.